Lehiara itzuli ziren Euskal Ligako neskak, ia hilabete beranduago, eta bolada txarrari jarraipena eman diote, Uni Bilbaoren aurkako partidua galduta (62-0). Guztira, sei jardunalditan jaso dute porrota neska trikoloreek, eta une honetan, sailkapenean azkenak doaz, 7 punturekin. Aurretik Eibar dute, bi puntuko aldearekin.
23 urtez azpikoek, liderraren etxea bisitatu zuten eta Hernanik orain arte lortutako garaipenen bitartez konfiantzaz jokatu arren, ez zuten garaipenik lortu. Cisneros nagusi izan zen partiduan eta ondorioz, Hernaniko gazteek 78-0ko porrota jaso zuten.