Duela bi urte egin bezala, inkesta jarri du martxan Kronikak, irakurleek komunikabideari buruz duten iritzia jasotzeko. Minutu gutxitan erantzuteko moduko inkesta da, eta ondorengo helbidean bete daiteke: labur.eus/kronikainkesta.
Inkestaren bitartez, jaso nahi dugu Kronikako euskarri, atal eta eduki ezberdinei buruzko iritzia eta balorazioa, irakurleen interesak, Kronika kontsumitzeko arrazoiak...
Edozein irakurlek bete dezake inkesta, Kronikakide izan ala ez. Inkesta anonimoa da, eta datu gutxi batzuk soilik eskatuko ditugu, irakurleen ezaugarri orokorrak ezagutzeko.