URA-Uraren Euskal Agentziak Urumea ibaiaren uholdeak murrizteko obren lehen zatia jarri du martxan, Akarregi-Ergobia tartean. Obra hauen helburua azaldu du agentziak: «Astigarragan eta Hernanin uholde errepikakor eta naturalei aurre egitea, inguruan segurtasuna nabarmen areagotzeko».
Bertan izan ziren ostegunean Xabier Lertxundi Hernaniko alkatea, Xabier Urdangarin Astigarragako alkatea eta Arantxa Tapia Ekonomiaren Garapen, Jasangarritasun eta Ingurumeneko sailburua.
Fase honen aurrekontua 3,2 milioi eurokoa da, eta ebakidura lehorra 2023ko ekainean bukatzea da aurreikuspena. 2. fasea 2024an egingo da.