Joan den asteazkenean egin zuten formakuntza saioa Beterri Saretuz ekonomia eraldatzailearen sareko kideek. Olatz Irizar Emun kooperatibako kidea izan zen hizlaria, eta Entzute Metodologia izan zuten hizpide: «Funtsean, entzute metodologikoak proposatzen du erakundeek zein enpresek euren proiektuak abiatu aurretik denbora tarte bat hartzea, patxadaz entzuteko proiektu horren parte diren aktore guztien iritzia, kezkak eta beharrak».
Bi saio gehiago, otsailean eta martxoan
Beterri-Buruntzako kooperatiba, ekintzaile eta eragileei zuzendutako beste bi saio antolatu dituzte datozen asteetarako. Lehena Berdintasun Planei buruzko saioa izango da, otsailaren 22an; eta bigarrena enpresen jasangarritasunean ingurumenak izan behar lukeen garrantziaz, martxoaren 29an. Izena emateko epea zabalik dago jadanik, beterrisaretuz.eus webgunean.