Inauteriak gainean daudela iragartzen dute Astigarragako kaldereroen konpartsak eta Hernaniko iñude eta artzaiek. Iñauterien aurreko asteburuan ospatzen dira eta larunbatean kaldereroak Ergobin elkartu ziren. Bazegoen, pandemia eta gero, berriz elkartzeko gogoa. Gainera, giro ezin hobea izan zen. Eguzkiak lagundu zuen eta herriko kaleak zeharkatu zituzten zartaien soinupean. Adin guztietako astigartarrak bildu ziren ongi pasatzeko. Amaiera dotorea izan zuen festak.
Ez ziren gutxiago izan Urumea ikastolako ikasleak, hurrengo egunean, igandean, Hernanin. Hiru urte antolatu gabe egon eta gero, pozik 'desfilatu' zuten erdigunetik iñude eta artzaiez jantzita. Eguzkiaren izpipean, dantzarekin amaitu zuten Gudarien Plazan. Hernaniko Musika Bandak ikastolaren ereserkia jotzen lagundu zion ikaslez osatutako danborradari eta jendetza bildu zen Hernaniko plaza nagusian.