Ez dute nahi bezala hasi urtea, mutilen saskibaloi talde nagusiek. Bukaerara arte lehiatu arren, porrota jaso zuten bi taldeek, joan den asteburuan: Mundarrok kanpoan, Gipuzkoako lehenengo mailan; eta Hernanik etxean, bigarren mailan. Azkeneko minutuetan egin zien ihes garaipenak, biei.
Bergararen kantxan jokatu zuten astigartarrek, eta 66-62 galdu zuten. Markagailuan aurretik iritsi ziren atsedenaldira (28-30), baina hirugarren laurdenean eman zion buelta Bergarak, eta alde txikiari eutsi zion bukaerara arte.
Hernaniri, berriz, azkeneko laurdenean egin zion ihes garaipenak, Casa de la Riojaren kontra. Atsedenaldira 33-41 iritsi zen galtzen, baina partidua ia berdintzea lortu zuen hirugarren laurdenean (45-47). Azkeneko laurdenean, ordea, berriro egin zuen ihes Casa de la Riojak, 12-20ko partziala lortuta.