Istripua izan da gaur goizean, 09:15ak aldera, A-15 errepidean, Astigarraga parean. Donostiatik Hernanirako noranzkoan gertatu da ezbeharra, Martindegiko irteera baino lehen. Kotxe batek istripua izan du, eta suhiltzaileek pertsona bat atera behar izan dute, barruan harrapatuta geratu baita. Bertan izan dira Ertzaintza eta anbulantzia ere, zauritutako pertsona artatzeko.
Istripuaren ondorioz, errei bat itxi behar izan dute, eta auto ilara luzeak sortu dira errepidean.