Nafar Jokoetako finala jokatuko du gaur, Iruñean, Ekaitz Narbarte goizuetarrak, mutil nagusien hirugarren mailan. Labrit frontoian dauka hitzordua, goizeko 10:00etan; eta Mutilendako taldeko Eduardo Salvador izango du aurrez aurre.
Aurreko asteburuan, Martin Etxeberria herrikidea menderatu zuen Narbartek, semifinal estuan (25-24); eta Goizuetara txapela eramateko asmoz ariko da finalean gaur.
Enara Macicior eta Ane Kerejeta aurrez aurre, Etxarri-Aranatzen
Bestalde, Sakanako Txapelketako semifinaletan ariko dira Enara Macicior eta Ane Kerejeta hernaniarrak, bihar goizean; baina elkarren kontra jokatuko dute: Naroa Otxoarekin ariko da Macicior, eta Leire Artazkozekin Kerejeta. Etxarri-Aranatzen jokatuko dute, goizeko 11:00etan, finalerako pasearen bila.