Asteburu honetan kirol talde askok atseden hartu dutela aprobetxatuz, eskubaloi jokalari gaztetxoenei emango diete protagonismoa, festa giroan. Izan ere, eskolarteko topaketa antolatu dute Hernanin bihar goizerako. Kiroldegian izango da, 10:00etan hasita; eta parte hartuko dute Hernani, Mundarro, Orio eta Sanlo taldeek, benjamin mailan.
Neskak zein mutilak ariko dira elkarrekin, eta hainbat partidu jokatuko dituzte hiru txandatan: goizeko 10:00etan, 10:45etan eta 11:30etan. Bi talderekin ariko da Mundarro, eta talde banarekin Hernani, Orio eta Sanlo.
Gainera, topaketan bertan, Hernaniko alebin mailako bi taldek jokatuko dute lagunarteko partidua 10:45etan izango da.