Berezia izango da gaurko eguna bailarako bolarientzat. Izan ere, Hernanin ospatuko da aurtengo Bola eta Toka Eguna, gaur, abenduaren 8an. Goizean, Benta Berriko bolatokian egingo dute tiraldia; eta ondoren, Jauregi jatetxean bazkalduko dute. Goizeko 09:30etatik 11:30ak arte bola eta toka txapelketa jokatuko dira.
Bertan, hiru bolari omenduko dituzte: Martxeli Kanflanka ereñotzuarra, eta Fernando Gallego eta Patxi Loreak hernaniarrak. Egoitza urtetik urtera aldatzen da eta aurten Hernaniri dagokio antolakuntza.