Heldu da egun haundia, heldu da Behobia-Donostia lasterketa. 30.000 lagunek 20 kilometroko ibilbidea egingo dute eta horien artean, Urumea bailarako herritarrak ere izango dira.
Goizeko 09:30etan, gurpildun aulkietan doazenek emango diote hasiera lasterketari, Behobiatik. Bost minutu beranduago patinatzaileak aterako dira, eta jarraian, korrikalariak aterako dira. 20 kilometroko ibilbidea osatuko dute korrikalariek, Behobian hasi eta Donostian amaituz, eta honakoa izango da osatuko duten ibilbidea: Behobia, Irun, Gaintxurizketa, Errenteria, Pasai Antxo, Herrera, eta Mirakruz, Bulebarreko helmugara iristeko. Batzuk lasterketan hartu dute dute parte korrika; baina beste batzuk, animatzen egongo dira errepide ertzetan, korrikalariei indarrak emateko asmotan.
Ateratako argazkiak, Kronikan
Beraz, animatzera joateko asmotan daudenak, bidali ditzatela ateratako argazkiak Kronika@kronika.eus helbide elektronikora. Etzi, txoko berezia eskainiko baitiogu Behobia-Donostia lasterketari, eta bertan aterako ditugu zuek bidalitako argazkiak. Animatu eta bidali argazkiak!