Zinea izango da gaur, Urumea bailaran. Astigarragan, Super maskoten liga filma proiektatuko dute haurrentzat, Erribera kulturgunean, 16:30etan hasita. Ondoren, 19:00etan, Black is beltza II: Ainhoa saioa izango da. Sarrerak salgai daude 2 euroan eta 5 euroan, hurrenez hurren, www.astigarraga.eus webgunean eta kulturguneko leihatilan, pelikula hasi baino ordubete lehenago arte. Hernanin, berriz, Argentina 1985 pelikula izango da helduentzat, 19:30etan eta Los buscamundos, haurrentzat, 16:30etan. Sarrerak salgai jarriko dituzte gaur, proiekzioaren aurretik, Biteriko sarreran.