Hezkuntza Lege berriaren kontrako eta euskal eskola publikoaren aldeko mugimenduetan murgilduta daude Hernaniko Elizatxo, Langile eta Urumea eta Ereñotzuko Txirrita eskoletako irakasle eta langileak; eta egunotan, elkarretaratzeak egin dituzte eskoletan. Horien bitartez, deialdia ere luzatu dute, gaurko Bilbon deitutako manifestaziora joateko.
Arratsaldeko 17:30etan abiatuko da manifestazioa Bilboko Hezkuntza Ordezkaritzatik, Euskal eskola publikoaren alde, hezkuntza lege honi ez! lelopean. Euskal Eskola Publikoaz Harro Topagunea osatzen duten eragileek egin dute deialdia.