Hitzaldi zikloa antolatu du Aranzadi Zientzia Elkarteak, Hernaniko Udalarekin batera, datorren asterako. Urumea bailarako ondare naturalari eta kulturalari «balioa» ematea da helburua, eta azaroaren 3an egingo dute, 18:30etatik 20:00etara Biterin. Horrekin lotuta, gainera, historiaurreko tailer familiarrak egingo dituzte hilaren 5ean Ereñotzun, Akolako atsedenlekuan, 11:00etan hasita.
Lau hizlari izango dira Biterin, datorren ostegunean: Manu Ceberio, Miren Garcia, Josu Narbarte eta Ane Fernandez, guztiak ere Aranzadiko zientzialariak. Ordu laurdeneko hitzaldia eskainiko du bakoitzak, Urumea ibaiak bere historian izan duen bilakaera ezagutarazteko, alderdi ezberdinak landuz: bailara historiaurrean, industria-ondarearen garapena, izokin-arrantzaren historia, eta uhandre piriniotarraren kasua.
Larunbateko tailerrean, berriz, «sakon» ezagutuko dituzte «historiaurreko herri haietako bizimoduak». Akolan izango da printzipioz, baina euria eginez gero, Ereñotzuko frontoian egingo lukete tailerra.
Doakoak eta irekiak dira hitzaldiak eta tailerra, baina tailerrean parte hartzeko, izena eman behar da aldez aurretik, bibe.me webgunean.
HITZALDI ZIKLOAAZAROAK 3, osteguna 18:30-20:00, Hitzaldiak eta solasaldia, Biterin: 'Urumea bailara historiaurrean: Paleolitotik erromatarren konkistara'. Manu Ceberio, Aranzadiko arkeologoa. 'Izokin-arrantzaren historia Urumean'. Josu Narbarte, Aranzadiko arkeologoa. 'Industria-ondarearen garapena Urumean zehar'. Miren Garcia, Aranzadiko arkeologoa. 'Uhandre piriniotarra: ur hotzetako erregina'. Ane Fernandez, Aranzadiko herpetologoa. HISTORIAURREKO TAILER FAMILIARRAKAZAROAK 5, larunbata 11:00, Akolako atsedenlekuan (euria eginez gero, Ereñotzuko frontoian). Sarrera librea eta doakoa. Izenemateak: bibe.me. |