Eskubaloiko partidu ugari jokatu ziren asteburuan zehar. Senior mailan, mutilek laugarren jardunaldia izan zuten eta Munttarperen aurka neurtu zituzten indarrak. Partidua parekatuta egon bazen ere, Hernanik ezin izan zuen aurkaria garaitu (33-38). Momentu honetan, 8garren postuan doaz senior mailako mutilak, punturik gabe.
Kadeteetan, Hernaniko neskek, Bidasoa-Irun izan zuten aurrez aurre eta etxeko taldeak ez zuen aurkaria garaitzea lortu (27-28). Agerikoa da, Hernaniko neskak indartsu zeudela, eta ondorioz, partidua oso orekatua izan zen. Astigartarrak, berriz, Legazpiren aurka gailendu ziren (21-15), eta momentu honetan, bigarren postuan doaz moreak, zortzi punturekin.