Kanporaketak gaindituta, fase erabakigarrian sartzear da Bertsolari Txapelketa Nagusia. Gaur hasiko dira finalaurrekoak, eta aurreneko saioan kantatuko dute Agin Laburu astigartarrak eta Unai Agirre hernaniarrak. Elizondon izango da hori, arratsaldeko 17:00etan hasita. Haiekin batera, beste lau bertsolari ariko dira: Alaia Martin, Iñaki Apalategi, Joanes Illarregi eta Onintza Enbeita.