Hernaniko mutil talde nagusiak denboraldiko lehenengo garaipena lortu nahi du gaur, 18:30etatik aurrera, kiroldegian, Lezoko Munttarpe taldearen aurka. Aurreko astean atsedena izan zuen eta gaur itzuliko da, hirugarren partidua balekoa izateko esperantzarekin. Hernanik, lehenengo bi jardunaldietan, galdu egin zuen. Munttarpek garaipen bakarra du hiru partiduetan, baina aurredenboraldia irabazi zuen Hernaniren kontra. Partidu ofizialean berdina ez gertatzen saiatuko dira hernaniarrak.
Lau partidu kiroldegian, bihar goizean
Neska eta mutil jubenilek Andoainen eta Donostiako Bidebieta kiroldegian jokatuko dute gaur, eta eskubaloi jardunaldia oparoa izango da bihar, kiroldegian. Goizeko 10:00etan hasita, kadete eta infantil mailako lau partidu jokatuko dituzte. Mundarroko neska kadete taldeak ere bihar du partidua Astigarragako kiroldegian, 11:00etan.