Tokiko Gobernu batzarrak hala erabakita, Basozabalgo eremuko hiri-antolamenduko plan orokorraren aldaketa puntual bati esker, aurrerantzean, Basozabal golfaren ondoan kokatutako partzela landa eremua izango da. Aldaketa horrekin, debekatuta egongo da bertan eraikitzea.
Nekane Arzallus hirigintzako zinegotziak azaldu zuenez, orain arte bizitegitarako erabili den lursail hori desklasifikatzeak «aukera emango du udal-planteamendua ingurumen-helburuetara egokitzeko».
Ez zuten onartu luxuzko
118 etxebizitza eraikitzea
Horrekin lotuta, Arzallusek gogorarazi zuen duela hilabete batzuk Donostiako Udalak ez zuela onartu Miramonen eta Martuteneren artean luxuzko 118 etxebizitza eraikitzeko plan partziala: «Hirigintza-proposamenak ez zituen betetzen indarrean dagoen legerian aurreikusitako ingurumen-printzipioak eta garapen jasangarrikoak». k