Elkarren kontra hasi dute Gipuzkoako Txapelketa, neska kadeteetan, Hernanik eta Mundarrok. Eta Urumea Ibaia torneoko finalean bezalaxe, astigartarrek lortu dute garaipena berriro: 7-14 nagusitu ziren Hernaniko kiroldegian, igande goizean. Jokoan nahiko parekatuta aritu ziren bi taldeak, baina moreek gehiago asmatu zuten atearen aurrean.
Gainerako kategorietan, bi garaipen eta porrot bat jaso ditu Hernanik, Gipuzkoako Txapelketaren aurreneko jardunaldian. Mutil jubenilek 34-36 irabazi zuten Elgoibarren, eta mutil kadeteek ere garaipena lortu zuten Zumarragan, Urolaren kontra (32-33). Neska jubenilek, berriz, galdu egin zuten, Zarautzen kantxan (23-18).