Ekain Lizeaga izan zen txapeldun, Altsasun

Ekain Lizeaga, Egigurenekin batera.

Txapelketa ofizialak ere hasi dira eta Hernaniko pelotariek bederatzina partidu galdu eta irabazi dituzte.

Ekain Lizeaga astigartarra txapeldun izan zen 51. Santo Kristo de Otadia txapelketan, Altsasun. Egigurenekin batera, garaipena lortu zuen Fernándezen eta Erleren kontra, 14-22.

Bere aldetik, C.D. Hernaniko pelotariek emaitza gazi-gozoak lortu zituzten lehenengo jardunaldian. Izan ere, 9 garaipen lortu eta 9 porrot jaso dituzte hernaniarrek. Gipuzkoako Txapelketan, bakoitzak bere mailan, norgehiagokak irabazi zituzten Arretxe-Alberdik, Deskarga-Azpeitiak, Iturbe-Legarretak, Ojuel-Lizeagak eta Jara-Alberdik.

Horrekin batera, klubak gogorarazi du zabalik dagoela Pelota Eskolako izenematea, 2011-2014 urteetan jaiotakoentzat. Izena emateko interesa dutenek, kiroldegiko frontoira joan behar dute, eta Rufino Rekalde delegatuarekin hitz egin: astelehenetik ostegunera, 17:00etatik 19:00etara.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!