Larunbatean jokatu zuten Kontxako Badiako Igerialdia, Donostian. 78garren edizioa zuen probak, eta 2,2 kilometroko ibilbidea osatu behar izan zuten. Tartean izan ziren Urumea bailarako bederatzi igerilari, eta onenen artean izan zen Luis Goñi astigartarra: bigarren sailkatu zen, 27:19 denborarekin. Villavako Ander Noain izan zen garaile, minutu exkax lehenago iritsita (26:22). Goñi baino hiru segundu beranduago iritsi zen hirugarrena, Ibarrako Ioseba Mateos.
Onenen artean izan zen Luis Goñiren anaia ere, Iñigo Goñi hernaniarra: 15garren sailkatu zen, 28:36 denborarekin. Beste zazpi hernaniar ere aritu ziren, Kontxako Badiako Igerialdian: Iñigo Garcia (34:32), Aitor Valencia (37:06), Aitor Iraola (40:13), Aitor Portillo (40:50), Joseba Portillo (40:50), Arkaitz Goñi (40:50) eta Amaia Ocio (46:56).