Lesio luzetik bueltan, larunbatean egin zuen aurreneko mendi lasterketa Anartz Artola hernaniarrak: Trikuharri mendi lasterketa, Villabonan. Eta ezin hobeto bueltatu zen lehiara, erakustaldia eman baitzuen proba luzean. 2:16:51 denboran osatu zuen 27 kilometroko ibilbidea, eta zazpi minutuko aldearekin nagusitu zen, Aitor Zunzunegi legorretarraren eta Asier Rajado andoaindarraren aurretik.
Beste hernaniar bat ere aritu zen proba berean, Sergio Alvarez; eta 37garren sailkatu zen, 3:05:06 denborarekin. Eta Carol Castellanos astigartarrak ere hartu zuen parte: seigarren izan zen emakumezkoetan, 3:46:24 denborarekin.
Proba laburrago bat ere izan zen, 18 kilometrokoa; eta Urumea bailarako bost korrikalarik hartu zuten parte: Jon Murua (50garren, 1:53:11), Mattin Sanzberro (90garren, 2:01:42) eta Iñaki Etxenike (93garren, 2:03:03) hernaniarrek; Garikoitz Lopez goizuetarrak (78garren, 1:58:58); eta Libe Lafuente astigartarrak (18garren, 2:10:26).