Txirrindulari askok hartu ohi dute Hernanitik Goizuetarako bidea, jaiegunetan bereziki; eta askoz ere gehiago izango dira gaurkoan, Urumea bailaran gora ibiliko direnak. Izan ere, Mussara proba zikloturista jokatuko da, goizeko 08:00etan Donostiatik abiatuta; eta zuzenean hartuko dute Hernanirako bidea. Bertatik, Basakabiraino igoko dira, Ereñotzutik eta Goizuetatik pasata.
800 partehartzaile inguru izango dira, aurreikusi dutenez; eta 148 kilometroko ibilbidea osatuko dute, Leitzatik, Lekunberritik, Tolosatik, Aiatik zein Oriotik pasata, Donostian bukatzeko.