Beste final bat jokatuko dute Oier Arsuaga hernaniarrak eta Imanol Ormazabal astigartarrak, elkarrekin. Zuloaga Torneoko txapelaren bila ariko dira gaur, Errenteriako frontoian, goizeko 10:30etan hasita. Santesteban eta Ugartemendia nafarrak izango dituzte aurrez aurre.
Gasteizko Zaramaga Torneoa irabazi zuten Ormazabalek eta Arsuagak ekainean, eta beste txapel bat lortzeko aukera daukate gaur. Bere maila onena eman beharko dute horretarako, bikote arriskutsua osatzen baitute nafarrek.