Heldu da Martindegiko San Ferminetako azken eguna. Hala ere, auzotarrek ekintza mordoa antolatu dituzte gaurko, San Ferminak behar bezala agurtzeko. Goizean, euskal festak hartuko du auzoa, eta bertan izango dira Urumea bailarako lau aizkolari: Jokin Urretabizkaia 'Basozabal', Suharri Rodriguez 'Paolla', Igoin Pikabea eta Axel Larrañaga. Harria jasotzen, berriz, Xabat Olaizola ariko da.
Euskal festa amaitu ostean, bertsolariek hartuko dute lekukoa, eta oholtza gainera igoko direnak zango dira Amets Arzallus eta Sebastian Lizaso.
Arratsaldean, XXIV.Trikitilari gaztetxoen txapelketak hartuko du protagonismoa, eta jarraian, bertsolarien bigarren saioa eskainiko da, Alaia Martin ere bertan izanik. Toka txapelketa antolatu da jarraian, eta 20:00etan erromeriari emango zaio hasiera. Azkenik, Martindegiko San Fermin jaiekin amaitzeko kalejira baten bueltan bilduko dira auzotarrak.
GAUR
Goizean, Diana, Txirriskla taldeko txistularien eskutik.
12:00, Euskal festa. Aizkolariak, Urumea bailarako lau gazte: Jokin Urretabizkaia 'Basozabal', Suharri Rodriguez 'Paolla', Igoin Pikabea eta Axel Larrañaga. Harrijasotzailea: Xabat Olaizola.
13:00, Bertsolariak: Amets Arzallus eta Sebastian Lizaso
17:00, XXIV. Trikitilari Gaztetxoen Txapelketa
Jarraian, Bertsolarien bigarren saioa: Amets Arzallus, Sebastian Lizaso eta Alaia Martin
18:00, Toka txapelketa nagusia, Gurutzeta sukaldeak antolatuta
20:00, Erromeria, Lidia Irigoienekin eta Leire Astiazaranekin
Ondoren, Kalejira auzoan zehar, festei amaiera emateko