MARTINDEGI AUZOA
Atzo eman zieten hasiera Martindegiko San Fermin Jaiei, eta igandera arte izango dute jarraipena. Atzo, giro ederrean pasa zuten eguna Martindegiko auzotarrek, festen hasierarekin, haur jolasekin, puzgarriekin, herri kirolekin, eta Eider Tolosak eta Elaia Diazek eskainitako erromeriarekin.
Atzokoari segida emateko, gaur arratsaldeko 17:30etan, kalejiran auzoko txokoak igaroko dituzte auzotarrek, eta jarraian, txikiek puzgarrietan saltoka eta zilipurdika ibiltzeko parada izango dute.
Arratsaldeko 20:00ak aldera, sagardo ezberdinak dastatzeko aukera izango dute, pintxoen laguntzarekin. Ondorengo sagardotegiek eskainiko dute haien sagardoa: Zelaia, Oialume Zar, Oiarbide, Etxeberria, Larrarte, Gurutzeta, Petritegi, Larre-Gain, Iretza, Artola, Elutxeta, Indioene eta Bereziartua.
Sagardo dastaketa amaitu ondoren, tortilla lehiaketako irabazlea iragarriko dute, Akelenea jatxetxearen saria jasoko duena. Eta afalostean, Bide Batezen doinuek emango diote amaiera egunari.
Bihar, egun osoan ekintzak
Bihar goizeko 10:30etan, mobidak esnatuko du auzoa, eta eguerdian, goiko aristian oroigarri xume bat eskainiko dute, «gure artean ez daudenentzat». Horrez gain, Tturko familiari eskertza egingo diete, «ematen diguten harreragatik». Jarraian, bazkari baten bueltan bilduko dira, eta arratsaldetik gauera bitartean, ekintza mordoa izango dira auzoan.
SAN FERMINETAN GAUR
17:30, Kalejira
18:00, Puzgarriak
19:00, Dastatzeko tortillak jasotzea
20:00, Sagardo dastaketa eta pintxoak, ondorengo sagardotegiekin: Zelaia, Oialume Zar, Oiarbide, Etxeberria, Larrarte, Gurutzeta, Petritegi, Larre Gain, Iretza, Artola, Elutxeta, Indioene eta Bereziartua
Ondoren, Tortilla goxoenaren emaitza, Akeleneak saritua
22:30, Erromeria, Bide Batez taldearekin