Imotzen eginen du geldialdia, oraingoan, Mendialdeko Azoka ibiltariak. Larunbat honetan izanen da, eta 10:30etatik 14:00etara egonen dira postuak bertan. Elikagai eta artisau lanen 32 postu izanen dira, eta horietatik bi Goizuetakoak: Domiña baserriak jarriko duena, betizu haragia, eta saltxitxoi zein txorizo ekologikoa eskaintzeko; eta Txirikordarena, konplementu eta bitxiekin. Azokan, bertako produktuen saski bat zozketatuko dute, 13:30etan.