Aurten jokatuko da Bertsolari Txapelketa Nagusia, irailaren 24an Getxon hasi eta abenduaren 18an Iruñean bukatuta. Datorren asteazkenean aurkeztuko dute, Euskaltzaindiak Bilbon daukan egoitzan; eta saio guztietarako sarrerak hurrengo egunean jarriko dituzte salgai, ostegunean, goizeko 09:00etatik aurrera interneten: bertsosarrerak.eus. Bertsozale Elkarteko bazkide direnek, sarrera ziurtatuta izango dute, ekainaren 30a baino lehen eskuratuz gero.