Ospakizun mordoa izan dira asteburuan, Urumea bailaran, eta musika izan da protagonista horietako askotan. Astigarragan, Aiztondo abesbatzaren 25. urteurreneko emanaldia izan zen larunbatean, Erribera kulturgunean. Joana Otxoa de Alaiza pianojolearen parte hartzearekin, kontzertu ederra eskaini zuten guztiek. Hernanin, berriz, Goiz Eguzkiko parkea jendez bete zen Goiz Eguzki abesbatzaren ikuskizunaz gozatzeko. Lehenik, gizonezkoen abesbatzaren txanda izan zen; ondoren, emakumezkoak aritu ziren; eta, azkenik, bi abesbatzak elkartu eta hamar abesti interpretatu zituzten elkarrekin. Argazki guztiak ikusgai daude www.kronika.eus webgunean.