Ekainarekin batera, Mintxolara egingo du irteera Mendiriz Mendik igande honetan. Goizeko 08:30etan abiatuko dira Atsegindegitik; izenematea 2 euro dira gazteentzat eta 6 euro, berriz, helduentzat. Zipotzak, berriz, asteburu pasa antolatu du Ozako Oihanera, Huescara. Larunbatean abiatuko dira Zipotzatik eta, egunean bertan, Acher-go gaztelua eta Aguas Tuertas bisitatuko dituzte. Igandean, Mallo de Acherito-ra egingo dute ibilaldia, eta arratsaldean itzuliko dira Astigarragara. Zipotzaren kasuan, itxita dago izenematea.