Astigarragak eta Hernanik Herriarteko txapelketaren finalerdietara nahi dute sailkatu eta horretarako gaur, abantailari eutsi behar diote. Joaneko partiduan bi taldeek 2-1 irabazi zuten Andoain eta Tolosaren aurka.
Hernanik Tolosan, Beotibarren, jokatuko du goizeko 09:30etatik aurrera. Joanekoan 20-18, 18-20 eta 20-13 izan ziren emaitzak eta beraz, hernaniarrek 2-1 irabazi zuten eta tanteoa 53-46 da beraien alde. Ez da erraza izango abantailari eustea. Lehendabiziko partidua, banakakoa, da gakoa.
Astigarragak ere 2-1 irabazi zuen eta tanteoan alde haundiagoa lortu zuten Andoainen, 57-42. Gainera, itzulerakoa Txomiñenen izango da, 10:30etatik aurrera eta finalerdietarako sailkapena eskura dute. Sorpresa litzateke ez sailkatzea.
Irazustabarrena eta Arrieta, Espainiakoan
Irazustabarrena eta Arrietak gaur, 10:00etan, Mendilorrin, Maitenaren aurka jokatuko dute Espainiako Trinkete Txapelketan.