Azkenaurreko jardunaldia jokatuko da asteburuan, senior gizonezkoen lehenengo mailan. Atzo, Mundarroko neskek denboraldia amaitu zuten eta hirugarren mailako mutilek kanporaketak hasi zituzten Mondragonen aurka.
Hernanik gaur, 16:00etan, kiroldegian Inter De Mitente taldea izango du aurkari. Partidu zaila izango da talde donostiarraren aurkakoa. Liderrak dira Santo Tomas Lizeoa Azkunerekin batera. Talde hau, STL- Azkune, izan zen asteartean Mundarro garaitu zuena 64-48.
Juniorrak, Astigarragako kiroldegian
Astigarragako kiroldegian juniorren bi partidu izango dira gaurkoan. Mundarroko B taldeak Mondragon izango du aurkari eguerdiko 12:00etan eta A taldeak Aldapeta, 16:00etan.