Etenaldi luze baten ostean, bueltan da Kronikak Insalusen laguntzarekin antolatutako ekimena: Bertso Gutiziak! Maiatzaren 13an izango da ekitaldia, Basque Culinary Centerren, arratsaldeko 19:00etan hasita, eta bertsolarien umorearekin, berehala hartuko du erritmoa ekimenak. Oholtza gainera igoko diren bertsolariak honakoak izango dira: Maialen Lujanbio, Amets Arzallus, Oihana Iguaran eta Unai Agirre; gai-jartzailea, berriz, Ainhoa Urien izango da. Bertsoak entzun, eta barre algarak bota ostean, Basque Culinary Centerreko ikasleek prestatutako gutizia goxoekin osatutako luntx-afari baten bueltan bilduko dira bertaratzen direnak.
Sarrerak, etzi jarriko dira salgai hainbat gunetan, hala nola, Hernanin, Kixkalen eta Aralarren; Ereñotzun, Irrintzi tabernan; Goizuetan Amaia kafetegian; eta Astigarragan Ikatza tabernan. Salmenta puntu hauez gain, Kronikan ere izango ditugu sarrerak, bazkideentzat. Sarrera bakoitzak 30 euro balio du, eta Doberako bazkide direnentzat eta Kronikalari direnentzat 27 euro.
Beraz, markatu egutegian maiatzaren 13a, bi urteko etenaldi baten ostean, bueltan da eta Bertso Gutiziak ekimena; hitz eta zapore nahasketekin jolasteko parada ederra.