Gaur hasiko da Sagardoaren Txapelketa, eta maila haundiko bi partidu jokatuko dituzte estreinako jardunaldian, arratsaldeko 19:00etan hasita Galarretan.
Aurreneko partiduan, Endika Barrenetxea hernaniarrak jokatuko du, Goikoetxea Vrekin batera, Oialume Zar sagardotegiaren izenean; eta aurrez aurre izango dituzte Ansa II eta Juanenea, Setien Mokoko ordezkariak.
Bigarren partiduan, berriz, Aritz Zubiri goizuetarra ariko da, Urrizarekin, Larre Gain sagardotegiaren ordezkari gisa; eta kontrario izango dituzte Petritegiko Segurola eta Azpiroz.
Txapelketako beste bi bikoteak dira Ezkurra II eta Zaldua I (Gurutzeta), eta Aldabe eta Larrañaga (Bereziartua).
Aurreko urtean bezala, ETB1eko Erremontari saioan eskainiko dituzte txapelketako partiduak, astelehenero. Gaurkoan, 22:25etan hasiko da saioa, eta bi partiduak izango dira ikusgai.