Eskubaloiaren Astea ospatuko dute datozen egunetan Gipuzkoan, eta bi geldialdi egingo ditu Urumea bailaran. Gaur bertan, eskubaloian aritzeko hitzordua daukate gaztetxoek, goizeko 10:30etan hasita, Hernaniko Atsegindegi plazan. Benjamin, alebin eta infantil mailako neska-mutilei dago zuzenduta bereziki. Eta datorren asteartean, Astigarragako kiroldegian jarri dute zita, arratsaldeko 18:00etan hasita. Bera Bera taldeko jokalariak egongo dira bertan, beraien esperientzia ezagutzera emateko. Emakumezkoen eskubaloiari zuzendutako saioa izango da, eta benjaminetatik jubeniletara, adin tarte guztietarako prestatu dute.