Igande arratsaldean, igorriko den Historias a Bocados saioan, Urumean ezaguna den auzo bat izango da protagonista: Martindegi auzoa. Bertan agertuko dira, Martindegin dauden Zelaia Sagardotegia, Oialume dantzalekua eta Onein kontserbak.
Saioaren inguruan
Historias a Bocados saioa 2018tik Joseba Argiñanok aurkezten duen sukaldaritza saioa da. Argiñano, Euskal Herrian barrena dabil, izaki gastronomikoak zergatik garen galderari erantzun nahian. Aurkezlea historia pertsonalen bila dabil etengabe, beti ere, gastronomiarekin lotura zuzena edo zeharkakoa dutenekin topo eginez.
Saio bakoitzean, herri bat bisitatzen du eta bertan istorio bitxiak dituzten pertsonaiak bilatzen ditu, non gastronomia hainbat modutara agertzen den: baliabideak, produktuak, ekoizleak, natura, tradizioak...
Kasu honetan, Martindegi auzoaren txanda iritsi da, eta auzoko ekoizleen inguruko bitxikeriak aurkeztuko ditu saioak. Beraz, gogoratu, igande honetan, Martindegi auzoa izango dugu telebistan.