Gaur, Ostegun Santuan, jaunaren afariko mezak egingo dira Hernanin, Agustinetan 17:30etan, San Jose Langilean 19:30etan eta San Joan Bataiatzailean 20:00etan, eta Ereñotzun, 18:00etan. Astigarragan, berriz, 18:00etan, eta Goizuetan, 19:00etan. Penitentzia meza ere egingo da Goizuetan, 08:00etan.
Bihar, Ostiral Santua, Gurutze Bidearen eguna ere izaten da. Honela, Hernanin, goizeko 08:30etan irtengo dira Santa Barbara bidean eta, Astigarragan, Andre Maria elizaren inguruan egingo dute 10:00etan. 08:00etan penitentziako sakramentuaren eginkizuna egonen da Goizuetan eta 09:00etan, Ereñotzuko San Antonio elizan.
Arratsaldean, berriz, Jaunaren heriotzaren ospakizunak izango dira: Hernaniko hiru elizetan, 17:30etan Agustinetan, 18:30etan San Joan Bataiatzailean eta 19:30etan San Jose Langilean; Ereñotzun, 18:00etan; Astigarragako Andre Marian, 18:30etan; eta Goizuetan, 19:00etan.
Etzi Larunbat Santua, Pazko Gaubeila
Larunbat Santuan, etzi, Pazko Gaubeila ospatzen da, urteko ospakizun garrantzitsuena. Ereñotzun 19:00etan, Goizuetan 19:30etan, Hernanin 20:00etan eta Astigarragan, 20:30etan.
Floridan eta Agustinetan ez da ospakizunik izango eta Astigarragan apaiz gabeko ospakizuna kapelan ere ez.
Eta Piztuera Igandean, goizeko 10:30etan egingo dute meza, Andre Marian. Ordu erdi lehenago egingo dute Ereñotzuko San Antonion, 10:00etan. Eta Hernanin, hiru izango dira egingo dituzten mezak: goizeko 09:00etan, San Joan Bataiatzailean; 11:00etan, San Jose Langilean; eta 12:00etan, berriro, San Joan Bataiatzailean. Goizuetan eginen dute beranduen, eguerdiko 12:30etan.
Igandekoa izango da, hain justu, Aranon egingo duten elizkizun bakarra. Goizeko 11:00etan ospatuko dute Pazko egunekoa bertan, San Martin elizan.