Nagusien partiduaren faltan, Hernani eta Mundarroko harrobiko taldeek izan dute protagonismoa asteburuan. Denetariko emaitzak izan dituzte talde ezberdinek eta aipagarriena Hernaniko kadeteen garaipenak izan dira. Mutilek Egiaren aurka 31-28 irabazi zuten kiroldegian eta neskek, Arrasateren kontra lortu zuten garaipena, 20-21, atzeratutako partiduan. Maila berean, Mundarroko neskek 15-18 galdu zuten Astigarragako kiroldegian, Tolosaren kontra.
Hernaniko neska kadeteak laugarren daude sailkapenean eta astigartarrak seigarren daude sailkatuta. Hernaniko mutilak lider jarri dira C taldean zazpi garaipen eta porrot bakarrarekin.
Hernaniko jubenilek galdu egin zituzten partiduak. Mutilek 36-27 galdu zuten Donibanen; eta neskek ere galdu, 22-38 Tolosaren kontra, kiroldegian.