Igandean jokatu zuten, Lasarte-Orian, bolako Gipuzkoako Kopako bigarren tiraldia. Eta Joxe Mari Etxebeste astigartarra izan zen denetan onena, 47 brila botata. Ibon Miner (43) eta Aner Miner (42) ereñotzuarrak bosgarren eta seigarren izan ziren, gizonezkoetan. Horrela, Kopako sailkapenean laugarren dago Ibon Miner, eta seigarren Etxebeste, biak 87 brilarekin. Emakumezkoetan, Martxeli Kanflanka ereñotzuarra seigarren izan zen Lasarten, 26 brilarekin; eta zazpigarren dago Kopan (50).