Apenas daramazki hiru partidu Oier Apezetxeak, erremontista profesional gisa; eta laugarrena, finala izanen du: Berria Txapelketakoa, Aldaberekin batera, datorren larunbatean. Herenegun jokatu zuten semifinala, Urrutia IIren eta eta Labakaren kontra, eta 35-19 nagusitu ziren.
Apezetxea bera izan zen partiduko onena, sakez 11 tanto eta jokoan beste 5 eginda. Aldabe, berriz, Urrutia baino hobeto aritu zen aurrean, eta 17 tantorekin bukatu zuen.
Finalean, Loitegi eta Zaldua I izanen dituzte kontrario, eta oso partidu lehiatua espero da. Ligaxkan elkarren kontra aritu ziren, eta orduan, Aldabe eta Apezetxea nagusitu ziren (35-34).