Atseden hartuko dute asteburu honetan, bailarako lau futbol talde nagusietako bik: Hernaniko neskek, Ohorezko Erregionalean; eta Mundarroko mutilek, Erregional Preferentean.
Eta beste bi taldeek, etxean jokatuko dute gaur. Hernaniko mutilek Bergara hartuko dute Zubipen, goizeko 11:30etan hasita. Kontrario zuzena dute, bi puntu gehiagorekin baitaude sailkapenean.
Mundarroko neskek, berriz, 15:30etan jokatuko dute Zarkumendegin, Oiartzunen kontra. Irabazi beharreko partidua daukate moreek, igoeraren lehian jarraitzeko. Izan ere, multzoko azkena da Oiartzun.