ELA, LAB, STEILAS eta CCOO sindikatuek mobilizazioak iragarri dituzte: etzi eta martxoaren 28an, goizean elkarretaratzea egingo dute Eusko Legebiltzarraren aurrean, eta hilaren 25erako greba deitu dute. EAEko hezkuntza legeak jaso beharko lituzkeen edukiak aurkeztu dituzte. Sindikatuak ez datoz bat hezkuntza hitzarmenaren zirriborroarekin, langileak eta langileen aldarrikapenak ez dituela kontuan hartzen diote. «Langile guztion enplegua eta lan baldintza egokiak bermatuko dituen legea» aldarrikatu dute, «publikoa ardatz izango duena», publifikazio marko orokor eta adostu baten barruan.