Oso partidu garrantzitsua zeukaten Mundarroko neskek, Erregional Preferenteko igoera fasean: Antiguoko bigarren sailkatua hartu zuten Zarkumendegin, eta garaipen haundia lortu zuten (2-1). Horrela, talde donostiarrarekin berdindu dute sailkapeneko bigarren postu horretan, eta igoeraren lehian sartu dira berriro, bete-betean.
Garaipena lortu zuten Mundarroko mutilek ere, mailari eusteko fasean, Idiazabalen kontra (1-0). Bere multzoko lider jarri dira moreak, horrela.
Hernaniko mutilek, aste borobila
Ohorezko Erregionalean, berriz, aste borobila izan dute Hernaniko mutilek, jokatutako bi partiduak irabazita: asteazkenean 2-0 menderatu zuten Mutriku, atzeratutako partiduan; eta larunbatean 1-3 nagusitu ziren Urolaren zelaian. Neska berdeek, ordea, porrota jaso zuten Mariñoren zelaian (2-1); eta urrundu egin zaizkie aurreneko hiru sailkatuak.