Lehiara bueltan izango dira bailarako bolariak, asteburu honetan. Lehendakari Txapelketaren hirugarren tiraldia jokatuko dute bihar, Seguran. Tokan ere ariko dira bertan; kasu horretan, bigarren tiraldia izango dute. Urumeako makina bat bolari ari dira txapelketan parte hartzen. Gizonezkoetan, aurreneko postuetan daude Joxe Mari Etxebeste astigartarra, bigarren baina liderrarekin berdinduta (90 brila); eta Ibon Miner ereñotzuarra, bosgarren (86 brila). Emakumezkoetan, berriz, bosgarren postuan dago Martxeli Kanflanka, 62 brilarekin. Segurako tiraldiaren ondoren, bakarra faltako dute, txapelketa bukatzeko: datorren igandean Ategorrietan jokatuko dutena.