Joan den asteko atsedenaldiaren ostean, asteburu honetan txapelketekin jarraituko dute bailarako eskubaloi taldeek. Mutil seniorrek bihar dute Bergararen aurkako hitzordua, goizeko 11:45etan, kiroldegian. Sailkapen orokorrean, hernaniarren atzetik daude bergararrak eta, beraz, garaipena lortzea espero dute etxekoek.
Jubenil mailan, nesken taldeak Hernanin jokatuko du, gaur, 10:15etan, Ordiziaren aurka. Mutilen taldeak, berriz, etxetik kanpo neurtuko ditu indarrak Zarautzen aurka, bihar, 13:00etan.
Mundarrok liderra aurkari
Astigartarrek, kadete mailan, bihar dute norgehiagoka, goizeko 10:45etan, kiroldegian. Elgoibar izango dute aurrez aurre, une honetan, liderra.