Datorren asteartea izango da martxoaren 8a, Emakumeen Nazioarteko Eguna. Eta hori ospatzeko, dozenaka saio eta ekintza prestatu dituzte Urumea bailarako herrietan, hilabete osoan zehar: mobilizazioak, emanaldiak, hitzaldiak, solasaldiak...
Gaur bertan izango dira aurrenekoak, Hernanin. Itaiak antolatuta, zita hirukoitza izango da Kontrakantxa gaztetxean, 19:30etatik aurrera: Oh gu hemen! tertuliaren proiekzioa, Nahia Valleren kontzertu akustikoa eta afaria. Eta Gaztelekuan, besoko moreak egiteko jarri dute hitzordua, 17:30etan.
Bihar, berriz, amatasunari buruzko tailerra egingo dute, 10:00etatik 13:00etara Kulturarteko Plaza Feministan, Parean Elkartearen eskutik. Aldez aurretik eman behar da izena.
MARTXOAREN 8aren INGURUKO EGITARAUA
ARANO
Martxoak 8, Kontzentrazioa Aranoko plazan, emakumeek antolatuta. Ordua zehazteke.
Martxoak 12:
-17:00etan, ipuin kontaketa: Berdintasuna maite dugulako. 5-10 urteko haurrentzat.
-19:00etan, Zauriak dokumentalaren emanaldia, Berdintasun Batzordeak antolatuta.
-21:00etan, herriko emakumeen afaria.
ASTIGARRAGA
Martxoak 7:
-18:00etan, Emakumeon Etxea aldarrikapen mezuekin apaintzeko eta manifestazioetara eramateko pankartak egitea. Haurrentzako, tailerra Xaguxarren eskutik.
-19:00etan, Kontzentrazioa eta manifestuaren irakurketa, Emakumeon Etxearen sarreran.
Martxoak 8:
-12:15etan, kontzentrazioa, udaletxe aurrean.
-16:00etan, kafea eta pastak, Emakumeon Etxean.
-17:15etan, Emakumeon Etxetik hasita, manifestazioa herrian barrena. Ondoren, Donostiara autobusa hartuko dute, 17:40etan.
GOIZUETA
Martxoak 8, Kalejira Goizuetako plazan, 18:00etan hasita; eta ondoren, txokolatada. Goizuetako Emakume Taldeak antolatuta.
HERNANI
Gaur:
-Itaiak antolatuta: Oh gu hemen! proiekzioa 19:30etan, Nahia Valleren kontzertua akustikoa 20:30etan, eta afaria ondoren (izena emateko, Itaiaren sare sozialen bitartez edo Itaiako kide bati esanda). Kontrakantxa gaztetxean.
-Besoko moreak, 17:30etan Gaztelekuan.
Bihar, Atsolorra: amatasunari buruzko tailerra. 10:00etatik 13:00etara, Kulturarteko Plaza Feministan, Parean Elkartearen eskutik. Izena eman behar da aldez aurretik: kulturartekoplazafeminista@hernani.eus edo 943 33 70 17.
Martxoak 6, Moxie filma, 17:30etan Gaztelekuan.
Martxoak 7, Erakusketaren irekiera: Elkar zainduz arriskutsuak gara! Covid-19ak emakumeen bizitzetan izan duen inpaktuari buruzkoa. 19:00etan, Kulturarteko Plaza Feministan, Emagin Elkartearen eskutik.
Martxoak 8:
-17:30etan, txapa eta lema feministak, Gaztelekuan.
-18:00etan, mobilizazioa Plazatik, Itaiak antolatuta.
-18:30etan, manifestazioa, Koordinadora Feministak antolatuta. Zikuñagatik, Etxeberritik eta Zerbitzu Sozialetatik abiatuko dira zutabeak.
Martxoak 10, Gure hots dokumentala, 18:00etan Kulturarteko Plaza Feministan. Hainbat arlotako emakumeen ahotsak, Arrate Fernandez Itxaso zuzendariaren eskutik.
Martxoak 11, Solasaldia Irene Arraratsekin, Simone de Beauvoirren Bigarren sexua liburuari buruz. 18:00etan, Kulturarteko Plaza Feministan. Euskeraz, gaztelaniazko itzulpenarekin.
Martxoak 12, Antzerkia: Trapu zikinak, Geuretik Sortuak egitasmoaren baitan. 19:30etan Leokako labaderoan, Lore More antzerki taldearen eskutik.
Martxoak 14, Hitzaldia: Emakumeak eta Atzerritartasun Legea. 18:00etatik 20:00etara, Kulturarteko Plaza Feministan, Amherrek antolatuta.
Martxoak 15, Hitzaldia: Ikasketen homologazioa. 18:30etan, Kulturarteko Plaza Feministan, Amherrek antolatuta.
Martxoak 22, Hitzaldia: Abortua hemen eta orain; Osakidetzako prozedurak eta bizipenak. 19:00etan, Kulturarteko Plaza Feministan.
Martxoak 25, Dantza topaketak. 19:15etatik 20:30etara, Kulturarteko Plaza Feministan, Kultza dantza taldearen eskutik. Izenematea martxoaren 18ra arte: kulturartekoplazafeminista@hernani.eus edo 943 33 70 17.
Martxoak 26, Komunitatea zaintzen, eragileentzat topagunea. 10:00etatik 12:00etara, Kulturarteko Plaza Feministan, Arremanitz Kooperatibaren eskutik.
Martxoak 29, Mahai ingurua: Emakume arrazializatuen bizipenak lan munduan. 18:00etatik 19:30etara, Kulturarteko Plaza Feministan, Iturolak antolatuta.