Garaipenik ez dute izan jardunaldi honetan, bailarako futbol talde nagusiek. Puntu bakarra lortu dute, eta Erregional preferente mailan izan da, hain zuzen; astigartarrek 0-0 berdindu zuten oiartzuarren aurka. Gainerako taldeek, berriz, porrotak jaso zituzten asteburuan jokatutako norgehiagoketan.
Fase berriko lehenengo partidua izan zen moreena, Oiartzunen, Karla Lekuona zelaian. Lehen zatia nahiko parekatua izan zen, taldeek ez baitzituzten golerako aukera asko izan. Jon Prieto astigartarrak bi jokaldi argi izan zituen, baina bietan, Oiartzungo atezainak baloia gelditzea lortu zuen. Bigarren erdian, Mundarrok falta dexente egin zituen, eta horrek aukera gehiago eman zizkien oiartzuarrei markagailuan aurreratzeko. Partiduko azken minutuetan, astigartarrak nagusitu baziren ere, emaitza, azkenean, 0-0koa izan zen.
Garaipenik ez, Hernanik
Joan den jardunaldia iluna izan zen futbolari hernaniarrentzat. Izan ere, talde nagusiek, behintzat, ez zuten garaipenik lortu asteburuan. Jubenil Nazional mailan, berdeek 3-1 galdu zuten Barakaldon, Noresen golarekin. Erregional preferentean, berriz, hernaniarrek 3-0eko emaitza izan zuten Danenaren aurka. Azkenik, Ohorezko Erregional mailan, mutilen taldeak Touring izan zuen aurrez aurre, liderra, eta 0-2 itxi zen markagailua oreretarren alde.