Inauteriak direla eta, asteburu berezia da bailarako eskubaloi taldeentzat ere. Hernaniri dagokionez, bost partidu bakarrik jokatuko dira asteburuan. Mundarroko nesken taldeak, kadete mailan, atzo jokatu zuen Leizaranen aurkako norgehiagoka, eta 11-15 amaitu zen topaketa, Astigartarren alde.
Talde nagusiek ez dute jardunaldirik asteburu honetan, baina Hernaniko jubenil mailako nesken taldeak gaur du hitzordua. Bergararen aurka neurtuko ditu indarrak, Labegaraieta kiroldegian, 11:15etan hasita.
Kadete mailan, nesken taldeak Urnieta izango du aurrez aurre, bihar, 11:45etan, kiroldegian. Infantiletan, mutilen taldeak bi partidu jokatuko ditu: larunbatean, Ereintzaren kontra eta, igandean, Urolaren aurka. Alebinek Egian jokatuko dute, bihar, 12:30etan.