Asteburu berezia bada ere, partiduak izango dituzte larunbatean zein igandean zenbait pelotari hernaniarrek. Nabarmentzekoa da Xuban Iturbe eta Oihan Legarretarena, Gipuzkoako Txapelketaren finalerdia jokatuko baitute bihar goizean, Oñatin.
Mundarroko pelotariei dagokienez, alebinen eta infantilen mailan, atzo izan zituzten jardunaldi honetako norgehiagoka gehienak. Gaur, hori bai, alebinen mailan, Aloña Mendiren aurka lehiatuko dira astigartarrak. Arratsaldeko 16:30etan dute hitzordua, Oñatin, Zubikoa frontoian. Inauteriak direla eta, gainerako pelotariek, nagusien mailan, esaterako, ez dute partidurik jokatuko asteburu honetan.
Finalaren atarian bihar, Iturbe eta Legarreta
Zita garrantzitsua daukate bihar Xuban Iturbe eta Oihan Legarreta kadeteek. Gipuzkoako Txapelketaren finalerdia jokatuko dute Irurako trinketean, goizeko 10:30etan hasita. Olazabal eta Lizaso (Intza) izango dituzte aurre aurre, eta aurreratu dutenez, hernaniarrak faborito dira norgehiagoka irabazteko. Izan ere, Lasarte-Oriako bikotearen aurka gailendu ziren Iturbe eta Legarreta, eta lortutako garaipenarekin, finalean sartzeko aukerak dituztela erakutsi zuten.