Derbia jokatu zuten igandean Hernanin, Udaberriko Txapelketan; eta etxekoak nagusitu ziren: 30-20 irabazi zuten Eider Otaegi eta Eli Gutierrez hernaniarrek, Izaro Arraras eta Maialen Eldua astigartarren kontra.
Euskal Herriko Irekiari, bestalde, ezin hobeto ekin diote Enara Maciciorrek eta Ane Kerejetak, sekulako partidua jokatu eta aurkari zailak gaindituta, Ikaztegietan. Eta primeran ekin diote Eliteko Txapelketari, Ariane Arrietak eta Amaia Irazustabarrenak, garaipen bana lortuta.